09/03/21
No día de onte publicouse no Concello de Melide o cómic “En(redé)monos sen filtros, #contraaviolenciadexénero”, un proxecto no que vimos traballando estas últimas semanas.
Esta iniciativa naceu con motivo da conmemoración do 8 de marzo, Día Internacional da Muller, co obxectivo de concienciar ás mozas e aos mozos (e a cidadanía en xeral) contra a violencia de xénero na rede.
Trátase dun recurso educativo alternativo, que pretende invitar á mocidade a reflexionar e identificar a incidencia da violencia de xénero nos seus espazos simbólicos de interacción, internet e as redes sociais.
Deste xeito, o cómic, coa súa característica linguaxe visual, procura sensibilizar ás mozas e aos mozos sobre as diferentes formas de violencia de xénero dixital, dende a violencia psicolóxica a través do cibercontrol e o ciberacoso sexista, ata a violencia sexual mediante o ciberacoso sexual, sen esquecerse da violencia simbólica e das violencias cómplices.
O equipo de Retnova está moi contento de ter participado nesta interesante iniciativa e agradecemos enormemente ao Concello de Melide por confiar no noso traballo nesta aposta por sensibilizar e informar á mocidade melidense!
Compartir en
C/República Checa nº40, Polígono de Costa Vella, 15.707, Santiago de Compostela, A Coruña
www.retnova.com · · 604 078 903·609 848 602
© ReTnova 2021