Rematan as accións formativas no CEIP Santa Baia

O equipo de ReTnova desprazouse novamente estes días ao CEIP Santa Baia. para continuar co programa de accións formativas para a promoción da igualdade e a prevención da violencia de xénero.

As alumnas e alumnos de 5º de primaria reflexionaron estas semanas sobre dous temas centrais na promoción da igualdade de xénero: o consentimento e a violencia contra as mulleres. Nestes días, leváronse a cabo o segundo e o terceiro taller do programa de accións formativas, nos cales falamos coa rapazada sobre autonomía corporal e consentimento, e as relacións violentas e non violentas respectivamente.

Cunha actitude activa e participativa e cun gran interese na materia, a rapazada involucrouse nas dinámicas e xogos propostos, desenvolvendo o seu pensamento crítico e a súa capacidade de diálogo. Espazo persoal, límites, autonomía, autoestima e bo/mal trato foron algúns dos conceptos clave traballados nestes talleres, cos que esperamos ter aberto (ou agrandado) unha ventá cara a igualdade real entre nenas e nenos.

Moitas grazas ao centro e ao alumnado pola súa magnífica acollida, e sobre todo por confiar en RETNOVA.