Igualdade de xénero

Servizos para o tratamento e aplicación da perspectiva de xénero

Somos especialistas no tratamento e aplicación da perspectiva de xénero, igualdade entre mulleres e homes e na xestión integral de proxectos na materia. Desde ReTnova contribuímos a estudar e instaurar actitudes que melloren a calidade de vida das persoas e favorezan o empoderamento das mulleres, sempre desde a consideración da súa diversidade. Deseñamos, asesoramos, executamos e avaliamos proxectos de:

• Diagnóstico de xénero, investigación e análise da igualdade/desigualdade entre mulleres e homes en diferentes sectores e sobre as características da participación das mulleres en diferentes ámbitos sociais.
• Plans de igualdade e de transversalidade de xénero para institucións públicas e empresas.
• Integración da perspectiva de xénero e do principio de igualdade de oportunidades entre mulleres e homes nas políticas públicas (inclúe orzamentos con enfoque de xénero), na xestión de recursos humanos, no deseño de estratexias de responsabilidade social empresarial…
• Estudos de impacto de xénero.
• Elaboración e aplicación de indicadores de xénero.
• Elaboración de materiais relacionados coa igualdade de xénero, en xeral e, especificamente, coa violencia de xénero: guías, manuais, informes, protocolos e itinerarios de coordinación en violencia de xénero.
• Formación especializada dirixida a promover o equilibrio de xénero en todas as súas vertentes e ámbitos.
• Deseño e aplicación de accións de sensibilización e concienciación, así como de empoderamento coas mulleres.
• Elaboración/deseño de medidas de conciliación da vida persoal e profesional e estudo sobre o nivel de implementación.

Algúns proxectos nos que participou o equipo de ReTnova